Fatina 唔單止係榕樹頭講故, 仲唱大戲添噃~
睇相都知呢個係"法紀之旅"啦, 介紹咗"立法會大樓", "終審法院", "茶具文物館", "舊域多利軍營", 等等.
哈哈, Fatina 出人頭地, 做咗法官大人啦~
我好中意呢架列車, 因為有好多唔同人物表情嘅 Fatina 公仔~
而車廂播緊嘅係關於立法會大樓嘅影片~
"戲迷之旅"會講解關於"伯大尼修院", "香港大學本部大樓", "油麻地警署", 等等.
1,2,3, ... ACTION!
呢個叫"平民不夜天之旅", 村姑 look 嘅Fatina 會介紹"天后古廟", "油麻地果欄", "油麻地戲院", 等等.
Fatina 仲會係上海街食麵, 又係油麻地打打打邊爐添~
仲有啲人手造嘅迷你檔仔添~
呢個鞋檔造得好迫真呀~
呢度係"文化熔爐之旅", 紳士Fatina 會介紹"前九龍鐵路鐘樓", "香港文物探知館", "聖安德烈堂", 等等.
由Prudence 手繪嘅尖沙咀鐘樓~
呢度叫"早期華人生活之旅", 介紹"灣仔街市", "和昌大押", 等等.
唔知今次又會車件咩靚衫呢?!
咿, 你呢個舉動好配合到國內同胞喎~
呢個就叫"心慌慌之旅", 介紹咗"香港大學大學堂", "西營盤社區綜合大樓", 等等.
至於點解叫"心慌慌之旅"? ... 自己去睇咪知囉~
